Pas krimit makabër që ndodhi dje në Vlorë, dyert e banesës janë mbyllur. Familjarët e Eva Lerës e kanë marrë trupin e të ndjerës për ta varrosur në fshat. Autori i krimit, Teodor Lera, u vendos në masën e arrestit për vrasje, dhe çështja i kaloi Krimeve të Rënda.
52-vjeçari aktualisht ndodhet në dhomën e izolimit, në gjendje të rëndë. Pasi mbyti bashkëshorten, ai preu damarët e duarve me thikë. Bluzat e bardha kanë thënë se ai është në efektin e mjekimit.
Autori, një bashkëshort i dhunshëm, kishte dhënë prova të mëparshme për agresion ndaj familjes. Kishte rrahur gruan bashkë me të bijën Augustën. Por viktima e kishte falur për hatër të fëmijëve. E për rrjedhojë edhe gjykata e ka liruar.
