Një tjetër krim në familje ndodhi një ditë më parë në Vlorë. Vrasja e nënës së tre fëmijëve ishte e paralajmëruar, pasi burri ishte një dhunues i përsëritur ndaj bashkëshortes së tij. Shtetasi Todi Lera ishte proceduar penalisht për dhunë në familje në 2017.
Pas shqyrtimit të çështjes, Gjykata e Vlorës vendosi dënimin e tij me 6 muaj burg, dënim ky që iu zbrit me 1/3 për shkak të gjykimit të shkurtuar.
Por edhe 4 muaj burg ai nuk i bëri, pasi gjykata pezulloi ekzekutimin e vendimit me burg dhe e la në periudhë prove për 8 muaj, me kusht që të mos kryejë vepër tjetër penale.
Rrethanat lehtësuese që çuan në lirimin e tij: “Është dënuar me 4 muaj burg, paraqet rrezikshmëri të pakët shoqërore, përdorimi i burgimit si formë dënimi duhet kufizuar rreptësisht”.
