Gjykata e Tiranës ka vendosur të administrojë pamjet filmike të vrasjes së Marvi Mihalit, në vitin 2017. Kërkesa për marrjen e kësaj prove ishte paraqitur nga prokuroria, por avokatët e kishin kundërshtuar me argumentin se nuk ndryshon asgjë.
Kjo ka sjellë reagimin nga ana e prindërve të Marvit. I riu u godit me thikë korrikun e vitit 2017, dhe ndërroi jetë për shkak të plagëve të marra pas një konflikti për një karikues telefoni mes një mikut të tij dhe Dejvi Bitrajt.
Pritet që gjatë seancës së radhës të japin dëshmitë e tyre edhe dëshmitarët e thirrur nga gjykata.
