Një kushërirë e shqiptarit Dhimitri Andoni, i cili u vra në një autostradë në Florida tha se ai ishte një djalë, i cili ishte një hero për gjithë komunitetin e shqiptarëve në SHBA.
Sipas policisë ai ishte ndaluar për të ndihmuar një shofer që kishte humbur kontrollin, kur është përplasur nga një kamion. Më pas personi i cili kishte vrarë shqiptarin i identifikuar si Dana Byrd, kishte marrë makinën e Andonit dhe ishte larguar me shpejtësi nga vendi i ngjarjes. E gjithë skena e largimit dhe aksidentit sipas autoriteteve është regjistruar nga kamerat e sigurisë.
“Unë vetëm dua të flas për atë, Dhimitri ishte një person i mrekullueshëm. Është një dhimbje e madhe për të gjithë ne”, është shprehur për mediat amerikane tha Kristiana Nasto, kushërira e Andonit.
“Jemi zemërthyer për këtë që na ka ndodhur. Ai ishte si një hero për ne. Jemi mirënjohës për lutjet e të gjithëve”, tha Nasto.
“Dhimitri bërë shumë për familjen e tij, për mua, për të gjithë komunitetin shqiptar këtu”, tha Nasto. Nasto tha se kushëriri i saj kishte një të ardhme të ndritur pasi ai do të diplomohej.
“Është shkatërruese dhe kaq e dhimbshme për të folur për të dhe për të kaluarën, por ai kishte një shpirt aq i mirë dhe të jepte energji pozitive. Të gjithë që ishin pranë tij ai i donte”, tha Nasto./TIRANA TODAY/
