https://www.facebook.com/tiranatodaycom/videos/343062252805185/
Presidenti i vendit, Ilir Meta theksoi se në ditët në vijim do të ketë qëndrime të qarta lidhur me vrasjen e gjyqtares Fildez Hafizi. Sipas Metës, fenomeni i dhunës dhe krimit brenda familjes që ka prodhuar viktima të shumta duhet të adresohen me përgjegjësi të lartë, pasi e gjitha kjo sipas tij, po dëmton rëndë familjen dhe shoqërinë shqiptare.
Me këtë, presidenti Meta, la të kuptohet se mund të ndërmerren masa të ashpra lidhur me rastet e dhunës dhe krimit në familje.
“Patjetër ne kemi reaguar që dje dhe në ditët që vijnë do ketë qëndrime dhe më të qarta për këtë çështje dhe për të adresuar këtë fenomen kriminal që ka dëmtuar rëndë familjen në Shqipëri dhe shoqërinë tonë”, – paralajmëroi Meta.
Këtë qëndrim, Presidenti Meta e mbajti pas vizitës që zhvilloi në Komunitetin Mysliman me rastin e festës së Kurban Bajrami, për të cilin dha edhe urimin e rastit: “Në këtë ditë të shenjtë, dua të uroj të gjithë besimtarët myslimanë për sakrificat e tyre, uroj që kjo ditë t’i ndihmojë për të çliruar shpirtrat nga vështirësitë e përditshme. Në këtë ditë sakrificash do uroja për familjet tona më shumë paqe, harmoni e dashuri”
