I ati i Agim Dakës ka hedhur poshtë mundësinë që djemtë e tij të jenë të përfshirë në vrasjen e Artan Cukut.
Duke folur për Panorama, Prele Daka tha se djemtë e tij janë të pafajshëm, ndryshe nga ç’pretendon policia se i ka shpallur në kërkim.
“Familja jonë e ka mbyllur njëherë e mirë problemin me familjen e Artan Cukut. Nuk e kuptoj përse policia e shqetëson familjen tonë. Ne po punojmë në shtëpi dhe Bujari është këtu. Jemi tërësisht të pafajshëm dhe nuk e kuptoj çfarë policie është kjo. S’kemi asnjë lidhje me atë ngjarje dhe djemtë e mi nuk janë shpallur në kërkim por jemi të gjithë të lirë. Me zor jetojmë e jo më të kemi para për të paguar vrasës”, shprehet babai i dy djemve, Prele Daka.
