Miratohet nisma për ndryshimet kushtetuese që i hapin rrugë ndryshimit të emrit nga Republika e Maqedonisë në Republika e Maqedonisë së Veriut. Kjo nismë u votua edhe nga votat e deputetëve të opozitës.
Sot, VMRO DPMNE ka zhvilluar një mbledhje urgjente ku edhe ka vendosur përjashtimin e shtatë deputetëve të saj: Vlladanka Aviroviq, Sashe Vasilevski, Elizabeta Kançevska-MIlevska, Kërste Mukovski, Emilija Aleksandrova, Ljuben Arnaudov, Nola Ismailovska.
Pjesë e votës pro ishte edhe Zeqir Rançilloviq, i cili ishte pjesë e koalicionit.
Kreu i VMRO-DPMNE-së Hristijan Mickoski, tha në një deklaratë se deputetët që votuan pro kanë zhgënjyer qytetarët dhe partinë me votën e tyre.
“Dua të shpreh falënderim ndaj deputetëve që nuk u përkulën kundrejt kërcënimeve dhe shantazheve. Deputetë që votuan pro ndryshimeve, unë si person nuk mund t’i arsyetoj, ata ndoshta kishin qëllimet e tyre, por unë nuk mund t’i arsyetoj”, ka thënë Mickovski.
