Zyrtarizimi i gjuhës shqipe në Maqedoni ka elektrizuar dhe ka ngjallë pozitivitet në të gjithë trojet shqiptare. Votimi në Parlamentin e Maqedonisë me 69 vota pro dhe asnjë kundër, është konsideruar dhe përshëndetur si një hap i mbarë drejt bashkëjetesës dhe rritjen e marrëdhënieve të fqinjësisë së mirë mes shqiptarëve dhe maqedonasve.
Marrëveshja e Ohrit, tashmë është përmbushur edhe me pikën e fundi, ç’ka sjellë premisa se tashmë është hapur një dritë jeshile për shqiptarët që jetojnë dhe veprojnë në shtetin e Maqedonisë.
Krahas përshëndetjeve të politikanëve shqiptarë, edhe ish-Presidenti i Shqipërisë, Bujar Nishani ka përshëndetur këtë vendim historik, ndërsa shkruan në “Facebook” se gjuha shqipe u vendos në vendin e merituar.
Ai shton se Bashkëjetesa dhe kontributi do ta bëjë Maqedoninë një fqinj më të mirë për ne.
“Urimet më të mira bashkëkombësve tanë në Maqedoni. E vendosën gjuhën e bukur shqipe në vendin e merituar. Bashkëjetesa dhe bashkë kontributi do ta bëjë Maqedoninë një fqinj edhe më të mirë për ne”-shkruan Nishani.
