Analisti i njohur Fatos Lubonja i ftuar në studion e News24, u shpreh se megjithëse ekziston perceptimi se krimi elektoral nuk është aq aktiv sa gjatë zgjedhjeve parlamentare të 2021, sërish ekziston mundësia e manipulimit të diasporës.
Lubonja tha se mazhoranca ka krijuar një mekanizëm të fuqishëm përmes patronazhistëve për të ndikuar në votën e diasporës.
“Sado është krijuar përshtypja se krimi elektoral nuk mund të jetë aq aktiv sa në 2021, sic e kemi parë në Elbasan dhe Shkodër, duke patur parasysh se njerëzit janë lodhur e Rama është konsumuar tek njerëzit dhe tek një pjesë që i kanë votuar, është rast i artë që i ka dalë se tani mund të fusë në skenë manipulimin e diasporës.
Kkryesisht besoj se është me seleksionimin e diasporës që do të lejohet të votojë, ka një mekanizëm shumë më të fuqishëm se opozita, për të shkuar e kontaktuar. Ky mekanizëm i fuqishëm, patronazhistët janë andej një pjesë janë aktiv dhe do të bëjnë diferencë”, tha Lubonja.
