Presidentja e Komisionit Europian, Ursula von der Leyen, deklaroi se kërcënimet e Rusisë ndaj shteteve baltike janë “krejtësisht të papranueshme”.
Në një postim në platformën “X”, Von der Leyen theksoi se Rusia dhe Bjellorusia duhet të mbajnë përgjegjësi të drejtpërdrejtë, pasi po rrezikojnë jetën dhe sigurinë e qytetarëve në krahun lindor të Europës.
Reagimi i saj vjen pasi më herët u dha alarm për një dron pranë hyrjes së Detit Baltik, çka çoi në pezullimin e përkohshëm të fluturimeve në aeroportin e Vilniusit. Sipas mediave të huaja, presidenti dhe kryeministri i Lituanisë, si edhe banorë të kryeqytetit, u strehuan për arsye sigurie.
Alarmi u aktivizua pas raportimeve për një dron të zbuluar në Letoninë fqinje, i cili dyshohej se po lëvizte në drejtim të Lituanisë.
