Gjykata e Apelit për Krime të Rënda ka liruar sot nga burgu dy ish-deputetët e PS, Arben Ndoka dhe Arben Çuko. Ndaj tyre është caktuar masa “arrest shtëpie”. Ish-deputetët u arrestuan në kuadër të operacionit të koduar “VOL-VO 4”.
Më herët, Ndoka dhe Çuko kishin kërkuar veçimin e dosjes së tyre nga bandat, por kërkesa nuk u pranua nga trupa gjykuese.
Arben Ndoka u arrestua pasi rezultonte i përfshirë në një skemë tjetërsimi pronash në Shëngjin, ndërsa ish-deputeti dhe ish-drejtori i Burgjeve Arben Çuko, si i përfshirë me pjesëtarët e grupit të Shijakut.
Më 22 tetor 2018, Policia e Shtetit njoftoi se nën drejtimin e Prokurorisë për Krimet e Rënda, dhe në bashkëpunim me agjenci të tjera ligjzbatuese, kanë finalizuar përgjatë orëve të fundit një Mega Operacion të koduar “VOL-VO 4”, të shtirë në 12 qytete, nga Hasi deri në Sarandë, ku janë goditur anëtarë nga 4 grupe të skeduara kriminale, në kuadër të operacionit “Forca e Ligjit”.
