“Shkodra nuk duhet të harrojë se Sulë Bushati, babai i ministrit Ditmir Bushati, ka persekutuar familjet shkodrane, ashtu sikurse ka bërë edhe me familjen time”, është shprehur kryebashkiakja e Shkodrës, Voltana Ademi, gjatë një interviste për mediet lokale.
Ademi shtoi se Bashkia Shkodër ka kërkuar të realizohet projekti, që ka nisur 1 vit më parë pranë Fondit të Zhvillimit Rajonal dhe Ministrisë përkatëse, pasi projekti në fjalë është përfunduar.
Gjithashtu, kryebashkiakja Ademi hodhi poshtë edhe premtimet elektorale që po bën ministri Bushati.
“Në Shkodër për rikualifikimin e bregut të liqenit, në Këshillin Bashkiak, në mënyrë unanime, është vendosur që një pjesë e fondit të shkojë pikërisht për këtë projekt”, përfundoi ajo.
