Në Kupën e Federatës në gjysmëfinalet e luajtura ditën e djeshme për meshkuj, kanë arritur të triumfojnë Partizani i Tomorrit dhe Vllaznia e Mikopulit. Vllaznia nuk has shumë vështirësi përballë Farka Volej, pasi katër lojtarët kryesorë të këtyre të fundit janë largur. Na ana tjetër edhe Partizani kalon shumë lehtë duke mposhtur 3 me 0 Studentin, të cilët kanë pasur shumë afrime të reja këtë sezon dhe nuk kanë mundur ta përballojnë sulmin e ‘të kuqve’. Tek Studenti vihen re mungesa edhe në organizim, po ashtu në bazën materiale të klubit, pasi lojtarët kanë zbritur në fushë me fanellat e vjetra të cilat nuk mbanin mbi shpatulla emrat e tyre.
Ekipet e Partizanit janë duke u përfaqësuar mjaft të në volejbollin shqiptarë, pasi janë në finale Kupës së Federatës të dyja ekipet si meshkuj po ashtu edhe femrat. Mbetet për tu shijuar finalja mes Vllaznisë dhe Partizanit, ekipet kanë dhe një shfaqje bindëse në këto gjysmëfinale dhe pritet spektakël në finale. /Tirana Today
