Kryetarja e Komisionit për Punën, Shëndetësinë dhe Çështjet Sociale në PD, Albana Vokshi, ka reaguar në lidhje me nismën e PD për sigurimin e teksteve falas për fëmijët që ndjekin e arsimit të detyrueshëm, ndërsa shton se Rama ka urdhëruar deputetët e PS të votojë kundër kësaj nisme.
Sipas Vokshit, në Shqipëri ka shumë familje të cilat jetojnë në kufijtë e varfërisë, që sipas saj, nuk kanë ushqim t’ju japin fëmijëve të tyre, jo më të blejnë libra për t’i shkolluar ato. Ajo shpreh keqardhjen për atë që kolegët socialistë, që nuk mund të dalin në agjendën e tyre, pasi janë të kontrolluar nga Rama.
Postimi i Vokshit:
Rama urdhëron deputetët e PS të votojnë kundër nismës së PD për sigurimin e teksteve falas për të gjithë fëmijët që ndjekin arsimin e detyrueshëm. Kjo nismë bënte të mundur zbatimin e një të drejte kushtetuese për arsim të detyrueshem falas si dhe kishte karakter social e do t’i vinte në ndihmë të gjitha familjeve shqiptare, kryesisht atyre të varfëra që nuk mund tu siguronin fëmijëve të tyre as 3 vakte ngrënie dhe nuk mund t’ju blejnë as librat shkollorë.
Keqardhje për kolegët e maxhorancës në Komision të cilët nuk mundën të dalin mbi axhendën personale politike të Edi Ramës.
