Atletit italian Oscar De Pelegrin i kishin vjedhur medaljen e artë olimpike në banesën e tij.
Grabitja ka ndodhur para pak muajsh, ndërsa pas kërkimeve të policisë italiane, medalja e atletit është gjetur.
Policia ka gjetur gjatë inspektimeve gjurmë gishtërinjsh, ndërsa pas hetimeve disa mujore, ka arritur të lokalizojë medaljen e vjedhur me ndihmë të policisë shqiptare.
De Pellegrin e kishte fituar medaljen në “Londër 2012” me garën e gjuajtjes me hark, dhe jeton në provincën Beluno, ku shqiptarët i morën medaljen e artë.
Tashmë, po vijojnë procedurat për kthimin e medaljes tek i zoti, ndërsa nuk dihet se cili është autori që ka kryer këtë vjedhje.
