Tonin Vocaj, ish-drejtor i Policisë së Tiranës, ka folur lidhur me vrasjen e mikut dhe bashkëpunëtorit e tij të afërt, Artan Cuku.
Vocaj tha se të gjitha dyshimet dhe informacionet që ai ka për këtë ngjarje, ia ka rrëfyer grupit hetimor.
Teksa u bën thirrje kolegëve të tij, që të japin çdo informacion apo dyshim para grupit hetimor, Vocaj ka folur edhe për një telefonatë që kishte kryer me të ndjerin, pak minuta para vrasjes.
“Unë me Tanin takohesha shpesh dhe janë të rralla ditët që ne të mos kemi biseduar në telefon me njëri-tjetrin. Për herë të fundit kam folur me të në telefon, në orën 19:45, të ditës së ngjarjes dhe e lamë për t’u takuar pas një ore për të pirë kafe. Por ky takim nuk u bë kurrë, pasi dora kriminale nuk na lejoi”, tha ai në një intervistë për Panorama.
