Partia opozitare VMRO-DPMNE ka reaguar pas akuzave nga politikani serb Vuk Jeremiç se Gruevski dhe Mijallkov kanë biznese kriminale në Serbi.
Përmes një njoftimi, partia në fjalë ka mohuar akuzat e lëshuara nga Heremiç, duke i cilësuar ato si një “defokusim të opinionit nga mediat e financuar nga LSDM”.
“As kryetari Nikolla Gruevski, as Sasho Mijallkov nuk kanë asnjë lidhje me privatizimin e fabrikave në Serbi. As Gruevski, as Mijallkov nuk kanë tërhequr para nga Maqedonia për të blerë kompani në Serbi, ashtu siç raportojnë mediumet nën kontrollin e LSD-së. Zoran Zaev dhe LSD kanë nevojë për të defokusuar opinionin me çdo manipulim për të fshehur turpin”, kumtojnë nga VMRO.
Ndër të tjera, në njoftimin e publikuar theksohet se “të dënuarit për likuidimin e djemve në Liqenin e Smillkovcit lëshohen që të mbrohen në liri për veprën penale për terrorizëm, ndërsa burgosen patriotë që kur ngroh diell janë ata të cilët e duan atdheun”.
