Tabulatet e telefonit kanë zbuluar sherrin e biznesmenit në Vlorë me vrasësit. Shtetasi me inicialet A.C, 28-vjeç, i ndaluar sot si një nga ekzekutorët e dyshuar, mësohet të jetë i afërm i personit tjetër të dyshuar si autor, E.A., 31-vjeç.
Të dy këta shtetas kanë lindur në Tepelenë dhe banojnë në Vlorë. Referuar tabulateve telefonike, viktima Vasil Dervishaj, 29-vjeç, ka debatuar me ta në telefon, para se të ndodhte krimi.
Një ditë më parë, policia prangosi dy bashkëpunëtorët që ndihmuan dy autorët e vrasjes të largoheshin pas krimit, Nekid Arapi, 21-vjeç, dhe Amarildo Grembi (Muka), 28 vjeç, të dy banues në Vlorë.
Vrasja e biznesmenit ndodhi tek ish-kombinati i peshkut në lagjen “Pavarësia”, ku Dervishaj u qëllua disa herë me armë nga dy persona, ndërsa ndodhej në mjetin e tij tip “Ford” me targa italiane “OD 476 AF” me të cilën po udhëtonte.
