Policia ka arrestuar në flagrancë, Qeriman Maraj, 33 vjeç, i cili ka tentuar të vrasë me armë zjarri, bashkëjetuesen e tij, me iniciale Sh.Sh.
Ngjarja ka ndodhur në banesën e 29-vjeçares, në lagjen “Pavarësia” në Vlorë.
Mësohet se në momentin e tentativës për vrasje kanë qenë të pranishëm edhe dy fëmijët e mitur të Sh.Sh.
Fatmirësisht, policia ka ndërhyrë duke parandaluar vrasjen e 29-vjeçares. Maraj ka përfunduar në pranga, ndërsa i është sekuestruar edhe arma.
Mësohet se konflikti mes çiftit ka nisur për motive të dobëta.
