Policia Kufitare godet një tjetër rast trafikimi të lëndëve narkotike, duke sekuestruar 368 kilogramë lëndë narkotike e dyshuar si e llojit Cannabis Sattiva, në Gjirin e Karaburunit.
Në bazë të informacionit paraprak, në Gjirin e Karaburunit u dyshua se ndodheshin disa pako me lëndë narkotike dhe menjëherë u organizua puna për verifikimin e informacionit, ku shërbimet konstatuan 2 pako me lëndë narkotike e dyshuar e llojit Cannabis Sattiva, në bregdetin e zonës së quajtur “Shën Jani”.
Në bashkëpunim me DVP Vlorë, Delta Force dhe Gdf, filloi krehja e zonës ujore dhe tokësore dhe pas këtyre kërkimeve rreth 700 m larg nga bregu i detit, në ujë u gjetën edhe 22 pako të tjera të madhësive të ndryshme ku brenda përmbanin lëndë narkotike e dyshuar si Cannabis Sattiva.
Në total, 24 pako me peshë prej 368 kilogramë lëndë narkotike e dyshuar e llojit Cannabis Sattiva e cila u sekuestrua në cilësinë e provës materiale nga DVP Vlorë.
Hetimet vazhdojnë për kapjen e autorëve përgjegjës në lidhje me këtë ngjarje.
