Në aksin rrugor Vlorë-Orikum është shkëputur një masiv shkëmbor duke bllokuar gjithë qarkullimin e automjeteve.
Policia iu është drejtuar qytetarëve që të mos udhëtojnë në aksin rrugor të Ujit të Ftohtë në drejtim Orikumit, si dhe drejtuesit e mjeteve që vijnë nga Orikumi drejtim qytetit të Vlorës.
“Drejtoria Vendore e Policisë Vlorë njofton se në vendin e quajtur ”Kalaja”, është shkëputur një masë shkëmbi dhe ka mundësi të vazhdojnë të shkëputen të tjera. Momentalisht policia për elementë sigurie ka marrë masa për bllokimin e qarkullimit të automjeteve në të dyja akset e rrugës Vlorë-Orikum. Luten të gjithë udhëtarët me automjet të mos vazhdojnë të qarkullojnë në aksin rrugor të Ujit të ftohtë drejtim Orikumit, ashtu edhe drejtuesit e mjeteve që vinë nga Orikumi drejtim qytetit të Vlorës. Njoftohemi se nuk ka dëme në njerëz”, thuhet në njoftimin e policisë. Po sipas Policisë, thuhet se janë njoftuar emergjencat civile, reparit i xhenjos si dhe firma e mirëmbajtjes se rrugës për të bërë të mundur zhbllokimin e saj.
