Një aksident ka ndodhur paraditen e sotme në Vlorë, ku një kamion me rimorkio është përplasur me një automjet tip Benz, pasi shoferi ka humbur kontrollin e mjetit.
Ngjarja ka ndodhur në Alikoke, ndërsa mësohet se kamioni ka qenë duke ecur me shpejtësi. Si pasojë, është plagosur një punonjës, i cili ishte duke punuar në rrugë dhe u dërgua menjëherë në spital. Nuk dihet gjendja e tij shëndetësore, ndërsa mësohet se nga aksidenti është dëmtuar edhe një dyqan anës rrugës.
