Rreth orës 16:30, Policia e Vlorës ka gjetur të mbytur në një kanal me ujë të fshatit Novoselë një shtetas.
Mësohet se nëpërmjet një njoftimi me telefon nga një qytetar, është pohuar se një shtetas është mbytur në një kanal vaditës.
Pas mbritjes në vendndodhje të shërbimeve të policisë, është konstatuar se ngjarja ka ndodhur në një kanal me ujë, pas një pike shumice në këtë fshat, ku është gjetur i mbytur shtetasi K.Q., rreth 57 vjeç, banues në fshatin Akërni.
Paraprakisht dyshohet se mbytja mund t’i jetë shkaktuar për shkaqe aksidentale.
Grupi hetimor ndodhet në vendngjarje duke kryer veprimet e mëtejshme proceduriale në lidhje me sqarimin e rrethanave.
