Në ndeshjen që po zhvillohet në “Loro Boriçi”, mes Vllaznisë dhe Teutës, sfida ka filluar me një minutë heshtje.
Klubi shkodran, kishte kërkuar në FSHF, që para nisjes së sfidës, të respektoheshin viktimat që humbën jetën në aksidentin e rëndë, të ndodhur në aksin Shkodër-Velipojë, ku humbën jetën 3 persona, dhe 2 të tjerë ishin të plagosur rëndë.
Tre anëtarë të një familje kanë humbur tragjikisht jetën mbrëmjen e djeshme në Velipojë, si pasojë e një aksidenti rrugor, ndërsa dy të tjerë ndodhen në gjendje të rëndë. Makina me të cilën udhëtonin burrë e grua së bashku me tre fëmijët e tyre është përplasur me një Fuoristradë.
Ngjarja ka ndodhur mbrëmjen e djeshme rreth orës 18:00 në Velipojë, në zonën e plazhit. Si pasojë e përplasjes së fortë ka humbur jetën kryefamiljari Preka, dhe dy fëmijët e tij, 9 muajsh dhe 5 vjeç, ndërsa vajza tjetër e çiftit ndodhen në gjendje të rëndë në spital. Gruaja Evisa ndodhet në spitalin e Shkodrës jashtë rrezikut për jetën.
Të plagosur në aksident kanë mbetur edhe dy të rinjtë që udhëtonin me automjetin tip “Fuoristradë” me targa AA292OL. Sipas mjekëve të Shkodrës, vajza 10-vjeçare ndodhet në koma, dhe për shkak të gjendjes në të cilën ajo ndodhet, transporti i saj drejt Tiranës për mjekim më të specializuar është i vështirë.
Nga hetimet paraprake dyshohet se shkak i aksidentit ka qenë shpejtësia dhe mungesa e ndriçimit në rrugë, ndërsa po punohet për zbardhjen e plotë të rrethanave të ngjarjes.
