Vllaznia ka arritur të mposhtë Lushnjën me rezultat 2-1 në derbine mbijetesës dhe barazon Luftëtarin me pikë në vendin parafundit. Ka qenë një ndeshje e luftuar shumë fort nga të dyja ekipet, por theksojmë se shkodranët kanë humbur raste pa fund, që mund ta kishin mbyllur sfidën shumë më herët. Vllaznia rikthehet te fitorja dhe e bën këtë pikërisht ndaj Lushnjës, skuadrës së vetme që arriti t’i marrë 3 pikët në fazën e parë.
Ndeshja ka filluar në mënyrë perfekte për shkodranët të cilët gjejnë rrugën e rrjetës që në minutën e 5’ me anë të Gilman Likës, i cili nuk gabon pas atij asisti perfekt të Hasanit. Atsina shpërthen në një kundërsulm dhe është i vetëm me portierin, por një ndërhyrje e gabuar nga mbrojtja bën arbitrin që të akordojë 11 metërsh. Është Gocaj që merr përsipër ekzekutimin dhe nuk gabon, por dyfishon rezultatin në minutën e 22’. Për lushnjarët ka pasur vetëm një rast të pastër shënimi në pjesën e parë me anë të Sefës, që godet mjaft mirë me kokë por portieri Selimaj bë jë pritje të mrekullueshme. Pjesa e dytë ka pasur të njëjtën histori, vetëm se Lushnja arrin të shkurtojë diferencën në 2-1, me anë të Metos në të 56’-ën, i cili godet në mënyrë perfekt një goditje dënimi. Pjesa tjetër është me plot raste për shkodranët, ku Atsina bëhet protagonist i katër rasteve të pastra për shënim, por që asnjëherë nuk e dërgoi topin në rrjetë.
Vllaznia-Lushnja 2-1
Lika 5′ , Gocaj 26′ (p)
Vllaznia: Selimaj, Gocaj, Gurishta, Orelesi, Marku, Hasani, (Bardulla 46′), Tafili, Vucaj, Çinari, (Hajdari 73′), Lika, Atsina.
Trajner: E.Gjoka.
Lushnja: Spaho, Prençi, Marku, Meto, Gava, Ruço, Papa, Pepa, (Magani 77′), Alushi, (Taullau 46′), Canka, Sefa,
Trajner: H.Dedja
Gjyqtar: Kreshnik Cjap
