Zyra Europiane Kundër Mashtrimit (OLAF) ka filluar një proces hetimor ndaj kryediplomates së BE-së në Tiranë, Romana Vlahutin.
Sipas portalit mediatik, “New Europe”, hetimi ndaj Vlahutin ka nisur për blerjen e vilës 1.6 milionë Euro në një qendër rezidenciale në periferi të kryqytetit shqiptar.
OLAF është organi i vetëm i Bashkimit Europian i mandatuar për të zbuluar, hetuar dhe ndaluar mashtrimin me fondet e BE-së.
“Ky hetim është me rëndësi të veçantë pasi fillon vetëm katër javë para zgjedhjeve të përgjithshme në Shqipëri. Më shumë se në një rast, Vlahutin ka mbështetur haptazi Partinë Socialiste në pushtet të Kryeministrit Edi Rama. Fakti që ambasadorja e BE është miqësore ndaj Ramës dhe u vu nën hetim përpara zgjedhjeve, mund të nënkuptojë se Komisioni Europian nuk dëshiron të asistojë procesin zgjedhor të Shqipërisë”
“Kjo është një shifër e çmendur sipas ekspertëve vendas, pasi ajo vilë nuk vlen as sa 1/3 e çmimit të shitjes. Shtëpi të ngjashme në të njëjtën zonë dhe akoma më të mëdha kishin një çmim më pak se 1 milionë Euro” thuhet në faqen e “NewEurope”.
