Lucas Biglia është lojtari i dytë që mbyll aventurën me kombëtaren e Argjentinës pas eliminimit të tyre nga Botërori i Rusisë. “Albiceleste” u mposhtën nga Franca me rezultatin 4-3 në fazën e 1/8-ve, që është me eliminim direkt dhe largohen nga Botërori,. Pas një performace aspak të mirë.
I pari që lajmëroi tërheqjen nga kombëtarja ishte Javier Mascherano i cili ishte edhe një element mjaft i rëndësishëm në formacionin e trajnerit Sampaoli, ndërsa tani njofton largimin edhe mesfushori i Milanit. “Bëmë një ndeshje të mirë deri në momentin që përmbysëm gjithçka në 2-1,” tha Biglia për Fox Sports.
“Ky është futbolli. Largohemi me dëshpërim të madh, sepse është fundi i një rrugëtimi për disa prej nesh. Shpresoj që të tjerët në vazhdim do të punojnë me më pak presion dhe do e çojnë Argjentinën aty ku e meriton të jetë. Është koha që unë të largohem, të jem i sinqertë, po vjen një gjeneratë e re dhe e pasur me talente, është koha që ata ta marrin përsipër.”
