Shqipëria dhe Kosova do i bëjnë jehonë vargjeve të poetit Ali Podrimja. Ministja e Kulturës njofton se 2022 e kanë shpallur “Viti i Ali Podrimjes”, dhe se për asnjë arsye nuk mund të ketë një ndarje mes poetëve të Shqipërisë dhe poetëve të Kosovës.
Ali Podrimja ka qenë shkrimtar shqiptar nga Kosova. Autor i më shumë se dhjetë vëllimeve me poezi dhe mbahet sot nga kritika si përfaqësuesi më tipik i poezisë së sotme shqiptare, dhe si një poet me emër dhe në shkallë ndërkombëtare. Ky vit shënon 80 vjetorin e lindjes së poetit dhe 10-vjetorin e ndarjes nga jeta të tij.
“Nuk mund të ketë një ndarje mes poetëve të Shqipërisë dhe poetëve të Kosovës, ata i përkasin gjithë shqiptarisë, ndaj edhe 2022-shin e kemi shpallur “Viti i Ali Podrimjes”.
Një homazh në 80-vjetorin e lindjes së një prej poetëve tanë të shquar, që na bëri ta donim edhe më shumë Kosovën e të ndjenim dhimbjen e saj.
Biblioteka Kombëtare e Shqipërisë dhe Qendra Kombëtare e Librit dhe Leximit do të organizojnë një seri aktivitetesh jo thjesht rreth këtij autori, por rreth poezisë, duke konkretizuar kalendarin e përbashkët Shqipëri-Kosovë”.
