Na ndodh shpesh, që kur veshim këpucët pa çorape, ato bien erë mjaft të rëndë. Ndonëse është në trend ti veshësh pa çorape, ekspertët thonë se ne dëmtojmë shëndetin tonë.
Po kështu apelojnë se ne rrezikojmë shumë nëse e kthejmë në të zakondshme. Në mungesë të ajrosjes, lagështia, nxehtësia dhe bakteret bëjnë që këto të fundit jo vetëm të shumohen në sipërfaqen e lëkurës, por të “infektojnë’ dhe këpucët.
Moda e “kyçit të zhveshur”, rrit rrezikun e infeksioneve kërpudhore në këmbë. Emma Stevenson nga “College of Podiatry” tha për “The Telegraph”, se kontakti i këmbëve të djersitura me materialin e këpucëve, mund të krijojë një mjedis ideal në të cilin infeksionet fungale mund të lulëzojnë.
Po çfarë masash mund të marrim, para se të veshim këpucët pa çorape?
Spërkatini këmbët me antidjersë, përpara se të vishni këpucët.
Mos vishni të njëjtat këpucë çdo ditë.
Jepini këpucëve 48 orë për t’u tharë.
Përdorni qese çaji të thata për të thithur lagështinë e tepërt nga pjesa e brendshme e këpucëve.
