Monarkia britanike, është e mirënjohur për aftësinë e saj të madhe për të mbuluar skandalet dhe shkatërruar dëshmitë, edhe kur këto janë njerëz prej mishi dhe gjaku. Megjithatë, aty ku ka sekrete, ka zakonisht edhe njerëz të gatshëm për të folur.
Fëmijët e shumtë të mbretëreshës Viktoria, e cila qëndroi në fronin e Mbretërisë së Britanisë së Madhe gjatë pjesës më të madhe të viteve ‘800, arritën të mbulojnë miqësinë e çuditshme mes saj dhe shërbëtorit indian, Karim Abdul, në një mënyrë që të mos kishte asnjë gjurmë.
Të gjitha dokumentet e shkruara nga mbretëresha në lidhje me të riun “Munshi” – Mjeshtrin – u shkatërruan, dhe gjatë gjithë viteve ‘900 askush nuk kishte ndonjë lajm për një raport të veçantë mes tyre, çka do të hidhte një dritë të re mbi mentalitetin e hapur të vetë sovranes.
Ndërkohë, në vitin 2010 u zbulua një ditar i humbur, ai i vetë Abdulit, që zbuloi një miqësi komplekse dhe fortë. Mbretëresha, 40 vite më e madhe se Karim, ishte në kërkim të një figure mashkullore që mund të zëvendësonte bashkëshortin shumë të dashur por që kishte ndërruar jetë në një moshë të re, për të mbushur boshllëkun e shoqërisë mashkullore në oborrin e saj.
Me rastin e jubileut të artë të Mbretëreshës në vitin 1887, u ftuan në oborr 50 mbretër dhe mbretëresha nga e gjithë bota. Dy prej monarkëve të pranishëm ishin princër indianë, dhe Viktoria kërkoi në mënyrë specifike dy kamerierë me origjinë indiane për t’iu shërbyer mysafirëve të tyre.
Njëri nga dy kamerierët, Karim Abdul, e magjepsi menjëherë Viktorian, që e bëri atë nga shërbëtorët e saj personale. Abdul ishte vetëm 24 vjeç kur mbërriti në Angli, dhe statusi i tij si shërbëtor nuk i kishte pëlqyer, ndaj dhe donte të rikthehej në Indi. E magjepsur nga i riu indian, Viktoria e ngriti në nivelin e mjeshtrit, mësuesit të gjuhës urdu.
Ai e njohu mbretëreshën me curry, shkrimin urdu, por edhe i mësoi përdorimin e nargjilesë, që u shndërrua në një objekt shumë të përdorshëm në Buckingham Palace. Duhet mos harruar se Mbretëresha Viktoria, që u bë një indofile, qe gjithashtu Perandoreshë e Indisë, një koloni britanike e cila mbeti nën kurorë deri në fund të revolucionit paqësor të Gandit në vitin 1947.
Abdul dhe Viktoria jetuan shumë vite së bashku, dhe Mbretëresha mësoi shumë mbi një një botë që ishte në thelb e huaj për të. Por miqësia midis të dyve, përfaqësonte një skandal të madh në oborr. Abdul ishte një mysliman i klasës më të ulët shoqërore, por kishte arritur të bëhej personi më i afërt i Mbretëreshës Viktoria, monarkes më të fuqishme në botë.
Mbretëresha e merrte mjeshtrin e saj kudo ku shkonte, në udhëtime dhe ceremoni zyrtare, dhe disa e akuzuan se e kishte humbur mendjen. Viktoria i mbrojti vendimet e saj me guxim, dhe i garantoi Abdulit një pension të majmë, si dhe disa prona në Indi. Të dy shtuan më tej pakënaqësitë në oborr, duke kaluar një natë së bashku në një nga vilat e Mbretëreshës, ku dikur qëndronte vetëm princi Albert.
Pavarësisht se një marrëdhënie thjesht romantike është konsideruar shumë e vështirë nga historianët, të dy përjetuan me siguri një miqësi të veçantë, unike në llojin e vet. Abdul mbushi boshllëkun mashkullor në jetën e mbretëreshës, duke i mësuar asaj koncepte të ndryshme të atdheut të vet.
Vlen të theksohet se ndryshe nga qëndrimi i të gjithë anëtarëve të oborrit mbretëror anglez, Viktoria ishte kundër çdo lloj formë të racizmit. Gjatë mbretërimit të saj u hoq skllavëria, ndërsa vlerësoi popujt e largët nga Londra, duke adoptuar Ainaën, një princeshë afrikane jetime.
Ndonëse do të ishte e dobishme të diheshin detajet e ndikimit historik të Karim Abdul në politikën britanike të fundit të viteve ‘800, regjistrat me korrespondencën mes mbretëreshës dhe mësuesit të saj Urdu, u shkatërruan plotësisht. Ndër shënimet e tij personale ekzistojnë vetëm disa shkrime shumë të shkurtra në gjuhën urdu.
Karim Abdul, pati një jetë të rehatshme për statusin e tij social. Ai u martua me një grua indiane, dhe u përpoq të kishte fëmijë, por mjekët e oborrit, më kërkesë të Mbretëreshës Viktoria, u diagnostikuan indianin me sëmundjen e gonorresë, çka e pengonte atë të ngjizte fëmijë. Abdul vdiq 8 vite pas Viktorias në vitin 1909 në Arda, Indi, në rezidencën e tij private, të ndërtuar me urdhër të vetë Mbretëreshës.
