Skandali me 18 mln euro evazion me TVSH, po merr një tjetër rrjedhë. Avokati i disa prej të ndaluarve ka rrëfyer disa situata shokuese, sesi disa të varfër tentuan që të bëheshin në kohë rekord “biznesmenë”. Enea Cenko ka sjellë në fokus rastin e një prej të ndaluarve. Aleksandër Gusho ka ardhur nga Jetimorja. Ai është braktisur nga familja e tij, ndërsa jeton në kushte të rënda ekonomike.
“Aleksandër Gusho është një 50-vjeçar me shkollë të mesme. Sipas atyre që më kanë thënë komshinjtë e tij, Aleksandri ka ardhur nga Jetimorja, është i vetëm, djali e ka braktisur, është ndarë nga bashkëshortja e tij. Në frigoriferin e tij, mund të gjesh vetëm një kile vaj”, u shpreh avokati për “Report Tv”.
