Specialistët për Krimet në Komisariatin e Policisë Elbasan kanë bërë të mundur ndalimin e shtetasit R.P., 15 vjeç, dhe Ervis Ruçi, 32 vjeç, banues të dy në Elbasan.
Ndalimi i R.P. u bë pasi në bashkëpunim me shtetasin G.K., 15 vjeç, në lagjen “Qemal Stafa” dyshohen të kenë vjedhur një motor në pronësi të shtetasit N.R., 55 vjeç.
Efektivat e policisë po punojnë për kapjen e shtetasit G.K., 15 vjeç.
Gjatë hetimeve rezultoi se shtetasi R.P. dyshohet të jetë autor i disa vjedhjeve të ndodhura në Elbasan, konkretisht:
Më datë 13.03.2017 dyshohet të ketë vjedhur motorin tip “Yamaha” me targa EL 044 C, në pronësi të shtetasit A.K., 38 vjeç, banues në Elbasan.
Më datë 20.03.2017, pranë turizmit dyshohet të ketë vjedhur motorin me targa AE 152, në pronësi të shtetasit A.B., 31 vjeç, banues në Elbasan.
Më datë 31.03.2017, pranë stacionit të autobuzëve në Librazhd dyshohet të ketë vjedhur motorin me targa EL 136 C, në pronësi të shtetasit S.D., 37 vjeç, banues në Elbasan.
Materialet i kaluan Prokurorisë së Rrethit Gjyqësor Elbasan për veprime të mëtejshme, për veprën penale “Vjedhja”, parashikuar nga neni 134/2 i Kodit Penal.
Ndërsa ndalimi i Ervis Ruçit u bë pasi duke qenë i punësuar në një lloto sporti dyshohet të ketë përvetësuar shumën prej 100.000 lekë që ndodheshin në kasën e llotos.
