Atë që nuk ditën ta bëjnë ekipet e mëdha e ka arritur Wigan. Ata kanë mposhtur gjigantët e Manchester City në përballjen e FA Cup, duke sjellë edhe eliminimin e tyre të menjëhershëm nga ky komnpeticion. Pas përfundimit të ndeshjes, tifozët vendas janë të papërmbajtshëm dhe kanë pushtuar fushën për të festuar. por kjo gjë duket se nuk u ka pëlqyer aspak lojtarëve të “Cityzen”.
Tifozët e Wigan, u janë drejtuar futbollistëve të Cityt me smastphone në duar, për të bërë ndonjë foto, por Aguero nuk e ka pritur mirë, ndoshta i frikësuar nga turma që po pushtonte fushën.
E ndërsa të gjithë festonin, sulmuesi argjentinas është filmuar duke goditur me grusht një tifoz. Nuk dihet nëse Aguero është ofenduar apo thjesht tifozi i ri i ka kërkuar të bënin një foto, rrethanat e ngjarjes ende nuk janë sqaruar.
Tension ka patur edhe në tunelin që të çon te dhomat e zhveshjes mes dy trajnerëve Cook dhe Guardiola. Pritet të merren masa nga Federata e Futbollit për gjithçka ka ndodhur brenda dhe jashtë fushës së blertë.
