Temperaturat e larta janë shpesh herë më vdekjeprurëse për njerëzit e pastrehë. Numri i ndihmës së shpejtë 115, ka marrë qindra mijëra thirrje në këto ditë të nxehta vere, ndërsa shumë vullnetarë në Clermont-Ferrand, kanë vendosur që të strehojnë refugjatë të cilëve u është refuzuar që të qëndrojnë nëpër kampe.
Çdo mëngjes, vullnetarët u dërgojnë s ushqim tre familjeve shqiptare që kanë jetuar në Francë për 3 vjet. Ata kanë ndjekur të gjitha procedurat ligjore, por policia tashmë mund t’i dëbojë atë në çdo moment. “Këto janë sulme serioze ndaj personave”, thotë Nicole Rouvet, presidenti i Secours Populaire.
“Ne duhet të ofrojmë zgjedhje, pasi këta persona nuk kanë asnjë kusht, nuk kanë as ku të lahen e as ku të gatuajnë”.
“Tenda, gjatë ditës, është shumë e nxehtë, por gjatë natës, ajo bëhet shumë e ftohtë”, thotë një grua e re, e cila qëndron aty gjatë gjithë ditës. Këta refugjatë janë të detyruar të ndryshojnë shpesh vende. Por nëse kthehen në Shqipëri rrezikojnë vdekjen. Për disa ditë familjet do të duhet të lëvizin përsëri në një kamp apo në rrugë, për shkak të mungesës së mjeteve financiare.
Burimi: france3-regions.francetvinfo.fr
Përshtati: Tirana Today
