Portugalia do të përballet sot në mbrëmje me Iranin për të siguruar një vend përtej fazës së grupeve në Botëror. Tifozët e Iranit kanë bërë më të mirën e tyre për të shqetësuar sa më shumë Cristiano Ronaldo-n në prag të ndeshjes vendimtare.
Teksa iranianët shpresojnë te mrekullua në ndeshjen e së hënës, ata janë munduar të lënë pa gjumë skuadrën e Portugalisë teksa janë mbledhur përpara hotelit në Saransk një natë përpara ndeshjes.
Tashmë kanë dalë edhe pamje të mbledhjes jashtë hotelit teksa tifozët u kanë rënë trumbetave deri në orët e para të mëngjesit.
Ronaldo një moment nuk duroi dot më dhe ka dalë te dritarja e dhomës duke bërë me gisht të mos bënin zhurmë, por kjo nuk i ka penguar aspak tifozët të vazhdonin.
