Në mediat e huaja, prej dy ditësh po qarkullojnë pamjet e shpërthimit të vullkanit Krakatau, i cili shkaktoi cunamin vdekjeprurës në Indonezi.
Krakatau ndodhet në ngushticën midis Java dhe Sumatra, që lidhin Oqeanin Indian dhe Detin Java.
Një shpërthim i vullkanit një ditë para cunamit u filmua nga kamerat e një ekipi të Agjencisë së Ruajtjes së Burimeve Natyrore në Indonezi. Autoritetet tashmë kanë konfirmuar se cunami i së dielës në Indonezi u shkaktua nga rëshqitjet e dherave në det, të shkaktuara nga shpërthimi i vullkanit, dhe jo nga ndonjë tërmet.
Burimet qeveritare thonë se nga tsunami kanë gjetur vdekjen të paktën 281 persona, e ndërsa kanë marrë lëndime mbi 1 mijë persona.
Bilanci i rëndë nuk përfundon me kaq, pasi raportohet për 60 persona të zhdukur. Familjarët e shqetësuar kanë ngritur alarmin, ndërsa ende nuk dihet për fatin e tyre.
