Mediat belge i kanë bërë jehonë lajmit të kapjes së të “fortit” të Shkodrës, pasditen e djeshme në Tiranë. Bëhet fjalë për Safet Rustemin (Bajrin) , një prej kriminelëve më të kërkuar në Belgjikë, iu cili u dëbua nga Zyra e Emigracionit në shtetin Belg.
“Safet Rustemi, i shpallur në listën e personave më të kërkuar në Belgjikë, është ndaluar në Tiranë. Ai duhej të vuante dënimin me 22 vjet burg në Belgjikë, por Zyra e Emigracionit e kishte dëbuar”, shkruajne mediat belge .
https://tiranatoday.com/kapet-safet-rustemi-i-rrezikshmi-i-shkodres-trazoi-politiken-ne-vend-dhe-ne-belgjike/
“Safet Rustemi konsiderohet nga autoritetet si një nga kriminelët më të rrezikshëm në Evropë. Familja e tij ka kryer disa vrasje në Shqipëri. Në Belgjikë, Rustemi u përpoq të merrte kontrollin e skenës së prostitucionit në Bruksel duke përdorur dhunën”, shkruan shtypi belg.
Më 01/25/2017, Rustemi Safet u dënua në mungesë nga Gjykata e Apelit e Brukselit, me 9 vite burg, i akuzuar si kreu i një bande kriminale e cila ishte duke u përpjekur për të kontrolluar pjesën qendrore të Brukselit, në tregtinë e drogës dhe prostitucionit. Për këtë, ai nuk kishte “kursyer asnjë mjet” duke nisur që nga shkatërrimi i pronës, përdorimi i armëve të zjarrit, tentim vrasje, grabitje, trafik njerëzor në rastin e grave të reja detyrohen në prostitucion. Rustemi dhe bashkautorët e tij zakonisht ishin shumë të dhunshëm.
Më 02.22.2018, ai u dënua sërish nga gjykata penale e Brukselit për një dënim me burg prej 9 vjet si kreu i një bande kriminale i përfshirë në tregtinë e drogës. Po të njëjtën ditë, ai u dënua edhe me pesë vjet shtesë për posedim dhe trafikim droge dhe heqje të paligjshme të lirisë me kërcënime me vdekje”, shkruan media belge dhnet.be.
Megjithatë, në qershor të vitit 2017, ai u dëbua pasi u lirua me kusht. Njeriu qëndroi në mënyrë të paligjshme në Belgjikë. Informacioni u bë publik këtë verë dhe shkaktoi debat të zjarrtë midis Zyrës së të Huajve dhe Ministrisë së Drejtësisë së FPS.
Ndërsa Tvklan.al sjell momentet kur Safet Bajri (Rustemi) mbërrin në ambientet e Drejtorisë së Policisë së Tiranës. Siç mund të shihet edhe nga pamjet, 34-vjeçari mbërriti nën masa të rrepta sigurie, i shoqëruar nga Forcat e Ndërhyrjes së Shpejtë. Sëbashku me Bajrin, policia ka ndaluar edhe një tjetër person, identiteti i të cilit nuk dihet ende.
/Tirana Today/
