SHBA ka zbuluar avionët e rinj luftarakë F-35 përpara stërvitjeve SHBA-Kore Jugore. Të vendosur në një anije, avionët luftarakë F-35B të drejtuar nga amerikanët fluturuan mbi Oqeanin Paqësor pranë ishullit japonez Okinawa.
Kjo ishte një shfaqje e forcës nga ana e ushtrisë amerikane, e cila po demonstron armët e saj më të reja dhe më të shtrenjta një javë para se të fillojnë stërvitjen me Korenë e Jugut.
Stërvitjet, të cilat zakonisht provokojnë zemërimin e Koresë së Veriut, ku diplomatët po përpiqen të organizojnë një samit midis dy Koreve, si dhe një takim historik midis Presidentit të SHBA Donald Trump dhe udhëheqësit të Koresë së Veriut, Kim Jong Un.
Avionët e pestë të gjeneratës F-35B Lightning II , janë avionë të pajisur me teknologji të fshehur për të shmangur radarët dhe zbulimin – sapo kanë nisur vendosjen e tyre të parë detare në bordin e USS Ëasp, një luftanije që nganjëherë quhet një transportues avionësh që do të marrë pjesë në ushtrimet e përbashkëta duke filluar nga 1 prilli.
Avionët shihen si një avantazh i madh për Shtetet e Bashkuara në çdo kontingjentet që përfshijnë Korenë e Veriut pasi ato janë të pakapshëm nga radarët e Pyongyang-it.
