Fenomeni i gjakmarrjes ende po merr jetë njerëzish në Shqipëri. Për të ruajtur nderin e familjes, duhet të merret gjaku, duke ndjekur një krim? Kjo është ende e mundur në Shqipëri, ku një traditë shumë e vjetër e quajtur “Kanun”, u lejon familjeve që të bëjnë drejtësi duke sulmuar familjen e vrasësit.
“Syri për sy, dhëmb për dhëmb”. Në Shqipëri, ligji i Kanunit ende zbatohet. Për t’u hakmarrë ndaj një krimi të kryer, familja e viktimës mund të marrë hak duke vrarë një anëtar të familjes së vrasësit. Kjo traditë e një epoke tjetër, e quajtur Kanun, ende është gjallë. Është , një lloj i kodit civil dhe penal që në Shqipëri daton që nga shekulli i 15-të. Në tekst, thuhet se një vrasje duhet të shlyhet me vrasjen e një anëtari të familjes së agresorit.
Fëmijët si objektiva
Por, fatkeqësish ky ligj i egër nuk kursen as fëmijët. Fëmijët janë në shënjestër nga hakmarrjet që prekin familjet e tyre. “Kam frikë të shkoj në shkollë, sepse mund të më vrasë, “Besniku’, gjakësori”, thotë një vajzë e vogël.
Ashtu si ajo, mund të jenë qindra fëmijë që jetojnë të ngujuar. Një situatë që çon në braktisjen e shkollës dhe në depresion për fëmijët e rritur. Disa prej tyre, megjithatë, mund të mbështeten nga Liljana Luani, një mësuese që lëviz nga fshati në fshat për t’i mësuar këtë fëmijë. Përkundër gjithçkaje, megjithëse ajo nuk është në shënjestër të drejtpërdrejtë, mësueska ndikohet emocionalisht. “Unë jetoj me dhimbjen e tyre dhe me atë të familjes së tyre”, thotë ajo. Që nga viti 1992, vlerësohet se rrethi vicioz i hakmarrjeve ka marrë shumë jetë njerëzish.
Burimi: francetvinfo.fr
Përshtati: Tirana Today
