Dy rikthime të frikshme në botën e MMA. Francis Ngannou ka treguar sërish forcën e tij të pakrahasueshme, duke i mjaftuar vetëm 44 sekonda për ti dhënë fund Curtis Blaydes në evenimentin e së shtunës në UFC që u zhvillua në Pekin të Kinës.
Ngannou mposhti “Razor” me një të djathtë që pas 30 sekondave dhe pas disa grushteve të forta teksa kundërshtari ishte në tokë, arbitri Marc Goddard ka mbyllur ndeshjen.
Dikur njeriu më i frikshëm në peshën e rëndë, ka kaluar një periudhë të vështirë pas dy disfatave radhazi ndaj Miocic dhe Lewis, por të shtunën ka vërtetuar se ai nuk ka mbaruar dhe ka akoma shumë për të dhënë.
Ndërkohë një tjetër rikthim i bujshëm ka ndodhur në Pekin, pikërisht ai i Alistair Overeem. Ai i ka dhënë fund ecurisë negative të dy humbjeve radhazi me një nokaut në raundin e parë ndaj rusit të pamposhtur më parë Sergey Pavlovich.
Overeem rrëzoi kundërshtarin në tokë përpara se ta godiste me disa grushte të rëndë. Arbitri i dha fund sfidës pas vetëm 40 sekondave.
