Paraditen e sotme, para Kryeministrisë, deputetet e PD-së, kanë bërë thirrje për të gjitha gratë dhe nënat, burrat dhe baballarët, të bashkohen në protestë në mbrojtje te Xhiselës dhe kundër shtetit që hesht dhe mbron përdhunuesit.
“Bashkohuni, ngrini zërin në mbrojtje të Xhiselës. Le të mblidhemi bashkë në protestën e shoqërisë civile të hënën në oren 17:30”- bënë thirrje deputetet e PD-së.
Deputetja e PD, Dhurata Çupi, njëherësh Sekretarja e Aleancës së Grave, i ka bërë apel kolegeve të shumicës.
“Thërritni ndjenjës njerëzore të mëmësisë dhe denonconi ngjarjen e paprecedentë. Kërkojmë që kryetari i Kuvendit, presidenti, kryeministri, Ministri i Brendshëm, prokuroria dhe të gjitha institucionet të prononcohen, jo vetëm të distancohen por të dënojnë me forcë këtë ngjarje. Ndaj djalit të deputetit, që është denoncuar për dhunën nuk është marrë asnjë masë, kemi mosreagim nga Ministria e Brendshme dhe kreu i policisë së Shtetit. Ndaj vajzës nuk është marrë asnjë masë mbrojtjeje. Duam të informohemi për cdo masë që do të merret për jetën dhe sigurinë për Xhiselën”-tha ajo.
