Kryeministri Edi Rama zgjodhi ta kalonte fundjavën në jug të vendit, ku pati edhe takimin shumë të përfolur me djalin e George Soros, Aleksander Soros.
Por duke udhëtuar me makinë kryeministri i vendit, i zbuloi ndjekësve në Instagram se mendja e tij, ishte diku tjetër. Përmes një video në Instastory, Rama i menduar komentonte edhe projektin më të ri për Spitalin e Sarandës.
https://youtu.be/rMgS0fT057w?t=2
“Ka dalë kryevepër ky spitali i ri i Sarandës, fantastik fare”, shprehej Rama.
Ndërsa sot si çdo mëngjes ka zbuluar se për këtë projekt janë investuar 266 milionë lekë, duke dhënë edhe detaje plotësuese.
“MIRËMËNGJES dhe me pamjet e spitalit dhe maternitetit të ri të Sarandës që së shpejti do të punojnë me orë të plota në shërbim të publikut, pas një kohe të gjatë braktisjeje, rrënimi tërësor e mungesash alarmante që nuk alarmuan askënd për vite të tëra, ju uroj një javë të mbarë “, shkruan Rama sot.
