Jemie Carragher nuk e ka përjetuar aspak mirë humbjen që pësoi Liverpool nga Manchester United. Një person gjatë udhëtimit me makinë e ka ironizuar për humbjen dhe reagimi i ish-yllit të Liverpool ka qenë mjaft i rëndë. Ai ka hapur xhamin e makinës dhe ka pështyrë në drejtim të një 14-vjeçareje dhe babit të saj.
Carragher më pas, përmes rrjetit të tij social kërkoi falje, duket se e gjithë kjo nuk do kalojë edhe aq lehta, pa ndonjë pasojë për legjendën e Liverpool. Carragher ishte planifikuar të kryente rolin e ekspertit në televizionin danez TV3 Sport, për ndeshjen e dytë të 1/8 së finales në Ligën e Kampionëve në mes Manchester United dhe Sevilla-s, që zhvillohet nesër (të martën) në “Old Trafford”.
Pamjet shokuese dolën në publikë, ku shihej Jamie Carragher teksa e pështyn një vajzë 14 vjeçare përmes xhamit të veturës së tij, pasi babi i saj e kishte “ngacmuar” atë, për fitoren e Man. United ndaj Liverpool me rezultat 2-1.
Drejtori ekzekutiv i televizionit danez TV3 Sport, Peter Norrelund, tha se ato pamje nuk dukeshin fare mirë.“Ai duhet të jetë në “Old Trafford” nesër për ndeshjen Man. United – Sevilla dhe ne kemi vendosur të tërhiqemi nga kjo marrëveshje. Kemi dërguar një punëtorë tonin në Liverpool, në mënyrë që ta dëgjojmë edhe versionin e Carragher”, tha Norrelund.
“Nuk ka rëndësi nëse është një recepsioniste apo një person si Jamie Carragher, ne nuk i pushojmë njerëzit nga puna pa e dëgjuar edhe anën e tyre. Nuk është se ato pamje duken mirë, madje përkundrazi, por ne jemi njerëz. Dëshirojmë ta dëgjojmë edhe pjesën e tij dhe të na shpjegojë se çfarë ka ndodhur”, u shpreh Peter Norrelund. Po ashtu edhe drejtuesit e Sky Sports, ku është i angazhuar Carragher, pritet të takohen me të gjatë ditës sot dhe të diskutojnë lidhur me të ardhmen e tij.
