Ministri i Brendshëm Fatmir Xhafaj në një prononcim nga Porti i Vlorës foli lidhur me sezonin turistik ku tha se treguesit e sigurisë janë shumë të lartë dhe janë marrë të gjitha masat. E ndërsa po mbante një prononcim për media ai nuk ka nguruar pa shkëmbyer disa batuta me gazetarët, ku ndër të tjera dëgjohet t’u thotë atyre: Qenkeni më shumë femra.
“Kam ardhur për dy çështje dhe për të zhvilluar disa takime. Në fokus janë çështjet që lidhen me masat e marra për sezonin turistik. Sezoni turistik është prioritet i qeverisë dhe ka vëmendje të shtuar, ku Vlora ka akoma më shumë vëmendjen, për shkak të numrit të madh të lëvizjes së brendshme, apo dhe turistëve. Rezultatet janë pozitive por ne jemi të vëmendshëm për të qenë dhe me efikase. Nga pikëpamja e kanbisit Vlora ka rezultate të pakrahasueshme me vitin e kaluar. Ka qenë një vit i pakrahasueshëm dhe jo më me vitet e mëparshme dhe kjo është rrjedhojë e ndërgjegjësimit të banorëve dhe meriton një vlerësim të veçantë. Është dhe meritë e strukturave policore dhe ky do të jetë viti i dhënies fund të kanabisit”.
I pyetur nga gazetarët lidhur më ngjarjen e ndodhur një javë më parë në Dhërmi ku Emiljano Nina, tmerroi pushuesit duke qëlluar 4 herë me pistoletë, ministri tha se nuk është në kompetencat e tij që të flasë për këtë ngjarje por, policia është e angazhuar maksimalisht.
“Policia është shumë e angazhuar edhe pse nuk më takon mua të flas.
Ngjarja mund të jetë e lidhur me një konflikt të rastit apo edhe me një histori të mëparshme” .
