Femrat i dedikojnë mjaft kohë kujdesit ndaj thonjve. Në mjaft raste, kujdesi realizohet në kushtet e shtëpisë, sikundër është edhe pjesa tjetër që i mbajnë me tipsa. Vendosja e një thoi sipër, sigurisht që ka edhe pasojat si zverdhja ose dëmtimi në masë. Tashmë është kthyer në trend një prej teknikave që është manikyri xhel. Nëse keni vendosur që të hiqni xhelin, këtë mund ta realizoni për një kohë fare të shkurtër dhe në shtëpi.
Por si duhet që të veproni? Në fillim ju duhet të limoni thonjtë me limë, lëvizjet e të cilës duhet të jenë të shpejta dhe të shtrira në të gjithë sipërfaqen e thoit. Sa më shumë ta limoni, aq më lehtë do të mund të hiqni manikyrin xhel.
Pritni ndërkohë 10 copëza letër alumini, dhe bëni gati 10 toptha pambuku. Lyeni topthat e pambukut me aceton dhe shtrijini mbi thonj, ndërkohë që dikush tjetër duhet t’ju ndihmojë që të mbështillni të gjithë gishtat me letrën e aluminit. Mbajini për 15 minuta, dhe me ndihmën e një kruajtëse dhëmbësh hiqni manikyrin xhel nga dora juaj. Pasi të keni mbaruar këtë procedurë, lani duart dhe masazhoni kutikulat me vaj ulliri ose vaj kokosi. Në fund lyeni thonjtë me manikyr forcues.
