Presidenti rus Vladimir Putin i ka dhënë Presidentit Donald Trump në konferencën e tyre për shtyp në Helsinki, një top i cili u përdor në Botëror. Por ai nuk ishte thjesht një top futbolli, por mediat britanike bëjnë të ditur se brenda tij ka pajisje çip që mund të transmetojë informata nga distanca të afërta kur Trump mund të flasë në telefon.
Pajisja çip nuk është vendosur nga vetë rusët por nga prodhuesit e topave. Në fotografitë e topit tregohet një logo e (NFC), dhe një çip ka qenë i vendosur në topin e Kupës së Botës të FIFA 2018, raportoi Bloomberg News.
Shtëpia e Bardhë nuk pranoi të tregonte për DailyMail.com vendndodhjen e topit të futbollit, që Trump tha se do t’i jepte djalit të tij Barron.
Por ai ka kaluar nëpër procesin normal të shqyrtimit. “Procesi i shqyrtimit të sigurisë është bërë për të gjitha dhuratat është bërë edhe për topin e futbollit’, tha sekretarja e shtypit e Shtëpisë së Bardhë Sarah Sanders për Bloomberg. “Ne nuk do të komentojmë më tej mbi procedurat e sigurisë”.
Çipi ishte i vendosur në çdo top të lojës, i cili është i ngjashëm me atë që Putini i dhuroi Trump, dhe tani topi i Botërorit shitet në faqen e internetit të Adidas për 83 dollarë. Adidas nuk pranoi të fliste me Bloomberg nëse çip mund të jetë një mjet që rusët të hackojnë informacione të tjera. Faqja e internetit thotë se çip nuk mund të modifikohet./Tirana Today/
