Ky është momenti i hidhur ku një njeri është kapur nga kamerat e sigurisë dhe shikohet të ketë marrë një vajzë gjashtë vjeçare në një rrugë të errët përpara se të përdhunonte brutalisht dhe ta vriste.
Trupi i vajzës u zbulua në një zonë të pyllëzuar në Gwalior të Indisë, pasi ajo u rrëmbye nga një dasmë aty pranë ndërsa ishte me prindërit e saj.
Sipas policisë, fytyra e saj ishte shpërfytyruar nga dhuna.
Pamjet e CCTV tregojnë njeriun i cili ka joshur vajzën me diçka dhe e çoi në një rrugë të braktisur rreth orës 23:30 të së enjtes.
Njeriu ecën krah për krah vogëlushes ndërsa agresori shikon përreth. Më pas krimit personi është filmuar serish nga e njëjta kamera rreth orës 2:30.
Duke parë që fëmija ishte zhdukur nga dasma prindërit ngritën alarmin dhe kërkuan ndihmën e policisë.
Pas kërkimit për disa orë ata e gjetën trupin e fëmijës në një fushë vetëm 500 metra larg vendit të dasmës.
Policia ka arrestuar një të dyshuar bazuar në pamjet e CCTV, i cili thuhet se është anëtar i grupit të hotelierëve të cilët do të shërbenin në dasmë.
Tani për tani policia po heton për krimin makabër, por ajo ka theksuar se vajza është vrarë me një gurë të madh me të cilën është qëlluar në fytyrë.
