Një ngjarje e rëndë ka ndodhur në Rusi në prag të Krishtlindjeve. Një aktor që argëtonte fëmijët duke interpretuar Babagjyshin e Vitit të Ri, ka pësuar atak kardiak gjatë një shfaqje. Një video e publikuar në internet tregon se si Babagjyshi ishte duke luajtur dhe argëtuar fëmijët deri në momentin që qëndron pa lëvizur dhe më pas bie në tokë.
Disa nga fëmijët nuk e kuptonin ca po ndodhte dhe në moment i afrohen duke luajtur me të, pasi mendonin se ishte pjesë e shfaqjes. Por aktori kishte rënë pranë pemës së dekoruar të Krishtlindjeve pas një ataku në zemër.
Një anëtarë tjetër i shfaqjes i veshur si klloun u afrua menjëherë dhe kuptoi se sa e rëndë ishte situata. Të pranishmit nxituan që ta dërgonin në spital, por u raportua se ai kishte ndërruar jetë gjatë rrugës.
Babagjyshi i quajtur Valery Titenko, 67 vjeç, ishte një aktor i mirënjohur dhe profesionist në Kemerovë, qytet 2,230 milje në lindje të Moskës. Më pas u zbulua se para shfaqjes ai nuk ishte ndier mirë dhe ishte ankuar për disa dhimbje në gjoks, por nuk donte që ti linte fëmijët pa u argëtuar dhe hyri në skenë për të dhënë shfaqjen.
Një zëdhënës në Teatrin Muzikor të Kuzbass ku ai ishte një yll tha: “Në vitet e fundit shëndeti i tij nuk ishte ideal.”TIRANA TODAY
