Marseille dhe Lazio do të përballen në “Velodrom” në sfidën e vlefshme për Europa League. Të dy skuadrat kanë tifozëri të zjarrtë dhe ë shpeshherë krijojnë probleme dhe këtë e kanë vërtetuar edhe një natë më parë.
Të dy tifozeritë janë përfshirë në një sherr masiv në rrugët e qytetit. Sipas gazetës vendase “La Provence” në sherr kanë marrë pjesë 80 tifozë nga secila anë, ndërsa për të shpërndarë turmën është dashur që policia të ndërhyjë me gaz lotsjellës.
Sipas fjalëve të dëshmitarëve tifozët italianë kanë qenë të veshur me rroba të errëta dhe kanë qenë të pajisur me shkopinj dhe thika, përleshja ka qenë e shkurtër por tepër e dhunshme për pasojë 3 persona mbetën të plagosur, 1 francez dhe 2 italianë.
