Një grua e ve nga Orlando ka humbur të gjitha kursimet e saj të jetës, pasi ajo ishte mashtruar online nga një person, i cili në profilin e tij në “Facebook”, përdoret foto e një ish-ambasadori për të joshur atë. Por, dashuria me një person që e njohu online dhe që iu prezantua në profil me foton e Flamur Gashit, ish-ambasadorit të Shqipërisë në Bosnjë, vëllai i deputetit të LDK-së ne Kosovës, Arben Gashit i kushtoi terë pasurinë e jetës.
Daily Mail, shkruan për historinë dhe zhgënjimin e madh të Diane Standish, gruas që nga mashtrimi humbi plot 270 mijë dollarë.
Ajo thotë se ajo ra në dashuri me njeriun që e njihte si Darnell ‘Jerry’ Michael pasi u takuan në platformën online www.match.com. Por, fytyra me të cilën ajo ra në dashuri ishte e Flamur Gashit, ish-ambasador në Bosnjë, i cili është i martuar, ka tre fëmijë dhe jeton në Kosovë, shkruan Daily Mail.
Ajo tregon se si u njohën dhe bisedat që bënë, duke pranuar se u dashuria edhe pse si thotë vete “Unë kurrë nuk mendoja se dikush mund të bjerë në dashuri me dikë në telefon. Por për disa arsye, ai thoshte vetëm gjërat e duhura për mua”.
Ajo tregon më tej se ka njohur plot njerëz që pasi janë njohur në site janë martuar dhe rrojnë të lumtur me njeri-tjetrin, ndaj nuk pati asnjë dyshim në personin me të cilin po bisedonte.
Sipas saj, personi nga ana tjetër i kërkoi paratë për të ardhur pranë saj në Orlando e me pas të martoheshin bashke. Por me pas ai u zhduk dhe nuk përgjigjej në asnjë nga numrat e kontaktit që i kishte lënë.
